De febre flava Americanorum. Dissertatio inauguralis medica / [Heinrich Wilhelm Otto].

  • Otto, Heinrich Wilhelm, 1773-
Date:
1818
Catalogue details

Licence: Public Domain Mark

Credit: De febre flava Americanorum. Dissertatio inauguralis medica / [Heinrich Wilhelm Otto]. Source: Wellcome Collection.

    8/42 (page 6)
    Quod exiguam certe difficultatem exhibuit. Nosocomium enim angusta domus erat, ex ligno aedificata et in valle tain cava posita, ut vento¬ rum maritimorum afflatui parum pateret, solis¬ que radiis prorsus esset exposita. Praeterea aegris nimis repleta, morborumque malignissimorum, qui ibi multos per annos grassati erant, contagiis quasi contaminata erat. Quo etiam accessit aegro¬ tantium timor mortis et anxietas, qui desperato reditu in patriam, inviti eo mittebantur, atque commilitonibus, quod saepe vidi, summa cum animi commotione valedicebant. Inde ab ineun- te M. Septembri usque ud medium M. Octobrem febris nervosam fere ac putridam indolem prae se tulit, eademque symptomata exhibuit, quae et in Europa utplurimum observantur. Sub finem vero M. Octobris insigniter in deterius conversa, iam plurimos trucidavit, iamque per contagionem propagari visa est. Typhum icteroden sic oriri vidi, qui brevi tempore non modo omnes naves onerarias sed Iridem quoque nostram navem longam et navi¬ gium bellicum minutum, cui nomen erat Irisinae invasit. Gravissime vero pestilentia praesidium navis cuiusdam onerariae nomine Malleville conflicta¬ vit, quae in portu St. Tbomasii navibus repleto in ancoris constitit, ubi, latentibus causis, tanta